Información

Navantia Ferrol teme que as inversións para a modernización do estaleiro corran perigo

Información
Diario Marítimo ; 12 Enero 2018

A Sección Sindical da CIG en Navantia Ferrol amosa a súa profunda preocupación pola posibilidade de que periguen as inversións comprometidas para a modernización dos estaleiros da ría e que o proxecto Estaleiro 4.0 acabe reducido a "outro parche máis". Así se desprende da xuntanza na que a dirección da empresa informou de que, en lugar do macroproxecto orixinal de transformación das instalacións, agora está a estudo unha solución menor sen concretar.


“Esiximos que, cos estudos ambientais e socioeconómicos  pertinentes, se poñan en marcha de inmediato as inversións  para a modernización de Navantia Ferrol"

 "Esiximos que, cos estudos ambientais e socioeconómicos máis rigorosos e pertinentes, se poñan en marcha de forma inmediata as inversións que se anunciaron no seu momento para a modernización das instalacións de Navantia na Ría de Ferrol, para poñela no mapa do futuro da construción naval. Non queremos un parche que sirva para ir minguando a súa capacidade e ter xustificación para unha agresión máis a esta comarca", aseveran.

Este temor xorde tras da xuntanza mantida coa empresa para coñecer a evolución  do mencionado proxecto, que foi solicitada logo das noticias aparecidas na prensa e da publicación no BOE dos requirimentos de Medio Ambiente pedindo informes e estudos máis exhaustivos sobre o  impacto das obras; así como das opinións dos concellos, asociacións e organismos afectados.

"Consideramos que se deben tratar, estudar e corrixir todas as deficiencias e a empresa debe facer todos os trámites ordinarios e obrigatorios para levar adiante o proxecto. Para informarnos da evolución do mesmo, foi que lle pedimos a xuntanza", apuntan.

Desa reunión, na que se ofreceron explicacións detalladas, a representación da CIG saíu  "cunha profunda preocupación e sorpresa", tirando como conclusión que "a alta dirección está a dar bandazos perigosos" que poden, "cando menos, demorar ou dar ao traste con dita inversión". Unha inversión que, lembran,  viña da man do proxecto das Fragatas F-110 e que tiñan nel a súa base orzamentaria.

Transformación integral

No marco dese proxecto cara ao Estaleiro 4.0, o elemento chave constitúeo a instalación dun dique cuberto, cunhas dimensións adecuadas para poder construír varios barcos á vez, nunhas condición modernas de equipamento, elevación, depuración, etc., ao resgardo das condicións meteorolóxicas, cun fluxo entre as distintas fases construtivas concentradas arredor del, a construción de novos talleres, etc. Unha transformación que remataría nunha reorganización e actualización completa do estaleiro. Algo que, destaca a Sección Sindical, "se nos sinalou como imprescindíbel para a supervivencia da empresa".

“Con profunda preocupación e sorpresa, vemos como a alta dirección está a dar bandazos perigosos"

Porén, para sorpresa da representación do persoal, a dirección informou que agora está en estudo, no canto dese proxecto inicial, unha solución menor sen concretar, "polo cal, o anterior pasa de ser un proxecto inmediato a un proxecto a longo prazo que non pode sustentarse no orzamento das fragatas, e que esta nova “solución” si pode facelo a conta do orzamento das F-110".

Facer fronte común

Para a Sección Sindical da CIG dita modernización e o proxecto que o acompañaba, "pode ser outro canto de serea, ao igual que o foron as inversións que no seu momento se prometeron para a outra beira da Ría e esteamos diante dun parche máis que lles serva de escusa para falar de estaleiro 4.0".

De cara a evitar que se cumpran estes temores, a representación da CIG en Navantia fai un chamado as organizacións políticas e sociais para que "tomen cartas nun asunto de vital importancia para o futuro de Ferrolterra"  e instan a facer "unha fronte común" para esixirlle tanto ao Estado como á Xunta "a materialización de dito proxecto e poñer enriba da mesa o financiamento requirido".

La anidación de tortugas marinas se triplica en la colonia de Cabo Verde

La recuperación de esta especie amenazada parece deberse a un aumento del número...

La paguitas, son la causa de que Gibraltar y Portugal no tenga arribo de pateras.

Pero allí no llega ni una sola patera. ... #5: «Vaya chorrada, no van a Gibralt...

Tratamiento contra marea roja chino ayuda a salvar acuicultura de EEUU y Chile

Tratamiento contra marea roja chino ayuda a salvar acuicultura de EEUU y Chile

Un "barro mágico" desarrollado en China, parecido a la arcilla, ha sido vital para erradicar la marea roja de algas que dañó la acuicultura marina de EEUU y Chile. La ciudad portuaria oriental de Qingdao entregó 300 kilos de la sustancia la semana pasada al estado de Florida, donde la marea roja duraba desde el verano, amenazando el turismo y la salud humana.

La Anchoa de Santoña: un producto tradicional que se reinventa en clave Gourmet

Bodega La Fuente, cadena de restauración especializada que opera en el me...

FNYH y Pequesurf recuperan las dunas de Somo

FNYH y Pequesurf recuperan las dunas de Somo

Los jóvenes participantes de los campamentos de surf, Pequesurf, que se c...

avisoimpoortantepangasergasxunta ppdegaliciaLa Xunta de Galicia promociona y FINANCIA Panga Presuntamente Contaminado para los Hospitales Públicos de Galicia en clara competencia de los productos pesqueros de las cofradías y mercado gallego.