Imprimir
Categoría de nivel principal o raíz: Actualidad
Categoría: Portada

Aprobada a licenza de construción dunha nave en Bértoa para unha empresa pioneira na produción de aceite de microalgas

Información
Portada 03 Julio 2018
social youtube xornalgalicia   feed-image

[Foto: Food News Latam.com]

[Foto: Food News Latam.com]

A Xunta de Goberno Local aprobou hoxe unha nova licenza para a construción dunha nave no polígono industrial de Bértoa. O proxecto contribúe á diversificación e á implantación de empresas innovadoras no noso municipio, xa que a empresa dedicarase á produción de aceite de microalgas.

 

Trátase dunha actividade pioneira, xa que o obxectivo é “a obtención de concentrado vexetal mariño con alto contido en DHA (omega 3) baseándose no emprego dunha tecnoloxía innovadora e cun impacto medioambientalmente máis sostible que as alternativas actuais baseadas en fontes de orixe animal”. Deste xeito describen o proxecto no GALP (Grupo de Acción Local do Sector Pesqueiro) da Costa da Morte, que aprobou unha subvención do 47% do investimento para a empresa promotora, Carbiotech SLU.

Podedes consultar aquí outros datos sobre o proxecto.

Polo demais, na Xunta de Goberno Local recibiron luz verde outras dúas licenzas urbanísticas para a instalación dun ascensor e para a rehabilitación da cuberta e a fachada dunha vivenda. Tamén foron aprobadas facturas por un importe total de 95.714,62 euros.