Ciclo de charlas e mesas redondas online da realidade do Sector Marítimo Pesqueiro de Galicia na contorna da Unión Europea

Información
Formación 27 Junio 2015
social youtube xornalgalicia   feed-image

Pladesemapesga, a través das redes sociais, ten previsto celebrar un ciclo de charlas e mesas redondas destinadas a achegar aos socios á realidade do Sector Marítimo Pesqueiro de Galicia na Unión Europea e aqueles aspectos de maior interese, como os novos enfoques que se están dando actualmente en política pesqueira común, según declaracións de Antón Salgado.

aulaparafuncionariosAsí, no marco do proxecto “Falemos de Europa na Plataforma en Defensa do Sector Marítimo Pesqueiro de Galicia en Facebook e Twitter”, o obxectivo vai ser impulsar accións de comprensión, fomento do autoemprego e creación de empresas relacionadas co mundo do mar no Litoral de Galicia baixo a contorna da Comunidade Europea e a falta de iniciativas de Rosa Quintana sobre o sector.

A Web de www.pladesemapesga.com será o escenario de partida para este ciclo co que se pretenden traer nos próximos meses a personalidades que desenvolven actualmente o seu labor profesional ou académica neste ámbito.

O Vicepresidente da Plataforma, Miguel Delgado, destacou que preparamos unha programación con profesionais de prestixio, charlas participativas centradas na Mar e a Pesca e o noso litoral, con quendas para o debate e a reflexión e onde tamén haxa cabida para resolver as cuestións presentadas polos mesmos asistentes.

Por iso, serán xornadas abertas e gratuítas, que estarán dirixidas tanto aos socios da Plataforma en Defensa do Sector Marítimo Pesqueiro de Galicia, como a estudiosos que xa estean a se fixar noutros países europeos como saída para buscar onde asentar os seus propios proxectos. Así mesmo, prevense comunicacións cruzadas para un público máis especializado, que demanda información sobre as iniciativas de innovación e competitividade no marco da UE.

Por outra banda, tamén pretendemos facer chegar aos cidadáns de forma clara o marco legal europeo e da OMI neste senso esquecido polos responsables da Xunta.

O obxectivo será achegar, principalmente ao colectivo, as Peculiaridades e afinidades legais de Galicia con respecto ao resto da súa contorna europea, tendo como referente temas de actualidade que veñen sendo silenciados pola corrupción informativa indicida cos cartos públicos por Rosa Quintana en numerosos espazos informativos nos medios de comunicación.

Unhas charlas que se suman a outros moitos proxectos da Plataforma en Defensa do Sector Marítimo Pesqueiro de Galicia, un ciclo de eventos que desde a súa constitución no mes de Xaneiro xa ofreceu a máis de 100.000 usuarios as claves para a mellora do mercado marítimo pesqueiro.