Información

O persoal de Nueva Pescanova denunciará a “mala fe” da empresa e “cortará” as horas extra como medida de presión

Información
Diario Marítimo ; 22 Enero 2017

Boa parte do cadro de persoal de Nueva Pescanova decidiu hoxe nunha multitudinaria asemblea celebrada en Redondela denunciar na Inspección de Traballo a “mala fe negociadora da empresa” -que pretende impoñer un convenio que precariza as condicións laborais- e, como primeira medida de presión, “cortar” tanto as horas extras dos sábados como as que se poidan chegar a impoñer.

Durante a xuntanza, que estivo coordinada por representantes dos distintos comités e no que participaron empregados/as de todos os centros de traballo do grupo, tamén se evidenciou o seu malestar ante a actitude dunha dirección que rexeitou as chegas dos representantes dos traballadores/as co obxectivo de impoñer unha rebaixa salarial e un aumento da xornada.

En principio descartaron convocar mobilizacións á espera da resposta de Nueva Pescanova, aínda que adiantaron a posibilidade de realizar concentracións en Mercadona -un dos seus principais clientes- ou nas ETT que “posibilitan a competencia desleal durante as folgas”.De igual xeito, a votación das propostas amosou a vontade do cadro de persoal por enfrontar de xeito unitario o “ataque” da empresa. A primeira medida que adoptaron por unanimidade foi denunciar ante a Inspección de Traballo a “mala fe negociadora” por parte da empresa. Ademais, chegaron ao acordo de non facer as horas extraordinarias dos sábados e todas aquelas “que se poidan impoñer”.

Sen o actual convenio non haberá paz social”

Pola súa banda, as centrais promotoras do encontro cualificaron de “éxito” a convocatoria e salientaron a “unidade” que amosan os traballadores/as e a súa vontade de incrementar as medidas de presión no caso de que a empresa non atenda as súas demandas. Neste senso, a secretaria nacional da FGAMT-CIG -que participou na asemblea e que interveu na rolda de prensa posterior- indicou que “teñen que ter moi claro que deben de respectar o actual convenio, senón non haberá paz social”.

Dores Martínez tamén rexeitou “que sexa certo que ofrecen un só euro de subida salarial” e asegurou que os sindicatos non van asumir nunca a proposta de incremento da xornada nin que o novo convenio “sirva para abaratar os soldos das futuras contratacións” -en referencia á nova categoría de entrada que quere implantar a empresa, que ademais obrigaría a manter esa rebaixa no salario durante tres anos-.

Por todo isto, asegurou que as propostas de Nueva Pescanova “rozan o terrorismo patronal” e que a asemblea de hoxe “marca un antes e un despois: se a dirección non entende a mensaxe haberá que tomar as medidas de presión que sexan necesarias”.

Xuntanzas coa empresa e nova asemblea

Na comparecencia diante dos medios as catro centrais anunciaron que dentro dun mes convocarán unha nova asemblea para dar conta das xuntanzas que a representación dos empregados/as dos distintos centros de traballo manterán coa dirección de Nueva Pescanova os días 31 de xaneiro e 1 e 2 de febreiro para continuar coas negoacións do convenio. Nese encontro tamén se abordaría a adopción de novas medidas de presión e a convocatoria de mobilizacións no caso de que a empresa non dea marcha atrás nas súas pretensións.

Finalmente, valoraron moi positivamente a unidade amosada tamén polos distintos comités de empresa e fixeron un chamamento ao único sindicato que se mantén á marxe, CCOO, a sumarse ás iniciativas que promoven a maioría dos empregados/as do grupo. “Esta central non participou na asemblea, perso estamos seguros/as de que van adherirse ás propostas porque xa é hora de decidir a que bando se unen, ou ao da empresa ou ao dos traballadores/as”.

Las 6 máquinas tragaperras más famosas del mundo

Las máquinas tragaperras en línea han estado disponibles desde hace bastante tie...

CRUCEROS DE LUJO VS CRUCEROS LOW COST, ¿QUIÉN GANA?

La mayor parte de las parejas suele disfrutar del viaje de sus sueños en su luna...

La Anchoa de Santoña: un producto tradicional que se reinventa en clave Gourmet

Bodega La Fuente, cadena de restauración especializada que opera en el me...

FNYH y Pequesurf recuperan las dunas de Somo

FNYH y Pequesurf recuperan las dunas de Somo

Los jóvenes participantes de los campamentos de surf, Pequesurf, que se c...

avisoimpoortantepangasergasxunta ppdegaliciaLa Xunta de Galicia promociona y FINANCIA Panga Presuntamente Contaminado para los Hospitales Públicos de Galicia en clara competencia de los productos pesqueros de las cofradías y mercado gallego.