Información
Enviar por ; Correo electrónico

A Festa do Marisco remata cos mellores resultados dos últimos dez anos e sen o apoio do PPdeG na Xunta de Galicia

Información
Diario Marítimo ; 17 Octubre 2017 ; 615 votos
Inicio desactivadoInicio desactivadoInicio desactivadoInicio desactivadoInicio desactivado
 

A LIV Festa do Marisco pechouse na noite onte nunha edición que se pode cualificar de "histórica". Os datos de venda, de visitas pero, sobre todo, de calidade do produto servido durante os dez días de celebración sitúan ao Grove en cifras de 2007, cando en once días se tiñan unha cifra levemente superior á obtida este ano. A grande aposta realizada pola mellora da calidade do produto - recollido en exclusiva nas rías galegas – na limpeza e coidado do recinto, e na programación musical e cultural ao redor do evento teñen confirmado ser a mellor estratexia para que a festa gastronómica máis importante de España se teña revitalizado.

 

O mellor balance está nos milleiros de visitantes que se teñen achegado ata O Grove e que a través do escaparate da Festa do Marisco puideron coñecer un destino turístico de máximo nivel e calidade, ademais de entender doutro xeito a realidade do marisco e os produtos da nosa Ría. A ocupación hoteleira constatou o éxito da Festa ao igual que a diversidade de idades e orixes dos visitantes que se achegaron a ela. É especialmente destacable que un dos obxectivos marcados polo goberno local estaba en reducir a idade dos visitantes á Festa, feito que se ten conseguido en tan só dúas edicións. Dende outro punto de vista tense traballado en aumentar a presencia de turistas internacionais e incidir no cumprimento dos requisitos para a obtención do selo de Festa de Interese Turístico Internacional, feitos ambos nos que esta LIV Festa permitiu marcar grandes avances.

Adjuntos:
ArchivoDescripciónTamañoCreado
Descargar este archivo (2017-10-16 VENDAS FESTA DO MARISCO 2017.pdf)2017-10-16 VENDAS FESTA DO MARISCO 2017.pdf 70 kB2017-10-17 09:00
Descargar este archivo (2017-10-16 VENDAS PINCHOS FESTA DO MARISCO 2017.pdf)2017-10-16 VENDAS PINCHOS FESTA DO MARISCO 2017.pdf 53 kB2017-10-17 09:00
Descargar este archivo (Datos adjuntos sin título 00253.pdf)Datos adjuntos sin título 00253.pdf 78 kB2017-10-17 09:01

No lado negativo un ano mais confírmase a falta de apoio da Xunta de Galicia ao evento turístico máis importante da comunidade sendo, segundo se recoñece dende o ente autonómico, o "fundamental elemento desestacionalizador" deste mes de outubro. A pesares disto as autoridades autonómicas non realizaron ningún tipo de achegamento á Festa, asistindo sen embargo a actividades organizadas por colectivos privados. A este grave feito súmase a ausencia de apoio económico da Xunta, limitándose este a unha liña de axudas (outorgada a todas as Festas de Interese Turístico de Galicia) para realizar a presentación internacional da Festa. Restando esta pequena aportación e a axuda prestada pola Deputación de Pontevedra, os gastos desta Festa son asumidos practicamente en solitario polas arcas municipais do Grove. E todo isto sendo un evento que permite que funcione todo o sector turístico de Galicia polo que o Concello do Grove reclama que Xunta de Galicia realice un apoio claro e directo á Festa do Marisco do Grove e entenda a importancia deste evento histórico para todo o sector.

 

 

 

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..
Otros articulos relacionados.....