• Asociacións veciñais e ecoloxistas despregaron esta mañá, na Porta do Sol, en plena festa da Reconquista de Vigo, unha pancarta xigante  para reclamar a entrada libre á illa de Toralla e a senda peonil litoral aprobada en 2008.
• Consideran unha boa nova o anuncio do Ministerio de que está en marcha unha actuación para recuperar o acceso o litoral da illa. Pero lembran que en 2008, o Ministerio aprobou un proxecto semellante que non se levou acabo.

A asociación Veciñal de Coruxo, a Asociación Veciñal de San Miguel de Oia, a Plataforma pola Defensa da ría Vigo-Cíes, Amigas da Terra, Ecoloxistas en Acción e Greenpeace organizaronn unha nova acción para reclamar a entrada libre á illa de Toralla e a senda peonil litoral aprobada en 2008. 

A acción consistiu no despegue dunha pancarta xigante co lema de “Únete a reconquista de Toralla” na Porta do Sol, en plena festa da Reconquista de Vigo. Con esta nova acción queren concienciar a cidadanía de Vigo da relevancia de recuperar o espazo público da illa de Toralla para uso e disfrute de todas e todos os vigueses. 

A servidume de tránsito non se cumpre na Illa de Toralla. Tampouco a servidume de acceso ao mar que se establece en varios puntos ao longo da costa para garantir o acceso público e de balde ao mar. 

A lexislación vixente recolle que calquera persoa pode chegar ata a ribeira do mar a pé. Pero a realidade é que aos visitantes só se lles permite acceder aos areais situados a ambos os dous lados da ponte. A norma contempla restricións ás leiras limítrofes co dominio público marítimo-terrestre, para garantir o libre paso dos cidadáns e vehículos de vixilancia e salvamento. Ademais da zona que pertence ao dominio público, a lexislación sinala que o terreo inmediato á ribeira do mar que non é parte de dominio público tamén está afectado por unha serie de servidumes. 

Veciñanza e ecoloxistas consideran unha boa nova o anuncio do Ministerio de que xa está en estudio realizar unha actuación para recuperar o acceso o litoral da illa. Pero lembran que en 2008 a concelleira Elena Espinosa, daquela ministra de Medio Ambiente, intentou infructuosamente a realización dunha senda peonil ao redor da illa. Por iso, lle piden que non se dea por vencida e que relance a “reconquista “ de Toralla desde o Concello de Vigo.

“Pedimos ao Alcalde que se posiciones claramente a prol da recuperación da illa de Toralla para o pobo de Vigo e que emprenda accións legais para poder acceder ao interior da illa, ademais do acceso ao litoral”, indicaron dende as organizacións convocantes.

As organizacións veciñais e ecoloxistas sinalan que existen varios pronunciamentos por parte da Xustiza sobre o peche da Illa de Toralla. En outubro de 1997, o Tribunal Supremo rexeitaba o recurso presentado polos residentes particulares da illa que pedían a exclusividade do uso e goce da ponte e as súas praias. A sentenza deixaba claro que en base á Lei de Costas os propietarios deberían ceder para dominio público seis metros de terreo a partir da máxima pleamar rexistrada. En definitiva, estamos ante un longo problema de incumprimento legal en relación a dominio público marítimo-terrestre ao que debe poñérselle fin. É un espazo público pero que na práctica utilízase como reserva privada de forma ilegal.